«Nye Kleven», som skal ta verftet vidare inn i framtida.
Kjetil Bollestad ny administrerande direktør på Kleven Verft
Kjetil Bollestad er tilsett som administrerande direktør på Kleven Verft, og tek dermed over etter Olav Nakken. Bollestad blei henta inn av Nakken som produksjonsdirektør på Kleven i desember i fjor.
-Kjetil har vore sentral i ferdigstillinga av MS Roald Amundsen, og har veldig god innsikt i organisasjonen. Han har med det eit godt grunnlag for å gå inn som leiar for verftet, seier Olav Nakken.
Viktig grep for «Nye Kleven»
Kleven Verft AS har nyleg oppretta eit eige dotterselskap, «Nye Kleven», som skal ta verftet vidare inn i framtida. Bollestad vil leie det nye selskapet, medan Nakken vil halde fram i ei ny rolle, der han vil jobbe gjennom styret med forretningsutvikling for Nye Kleven. Dette grepet blir gjort for å frigjere ressursar til å jobbe meir ut mot marknaden i denne viktige oppstartsfasen til nye Kleven.
Frå og med måndag 15. juli 2019 vil Kjetil Bollestad fungere som administrerande direktør på Kleven Verft.
-Eg er takknemleg og motivert av tilliten som blir vist meg. Å skulle vere administrerande direktør for Kleven Verft blir ei interessant og utfordrande oppgåve som eg ser fram til å ta fatt på, seier Bollestad.
Rettar ein stor takk til alle for stå-på-vilje
Med tanke på situasjonen verftet har vore i, er Olav Nakken fornøgd med perioden som administrerande direktør.
-Etter den finansielle restruktureringa har vi levert tre ankerhandteringsfartøy til Maersk, og no nyleg ekspedisjonsskipet MS Roald Amundsen til Hurtigruten. Alle var fantastiske skip, men det er likevel folka bak som står fram for meg. Eg vil gjerne rette ein takk til dei tilsette, dei innleigde og underleverandørar for stå-på-vilje og samarbeid i tida som har vore, seier Nakken, og legg til:
–No som det berre er MS Fridtjof Nansen tilbake, ser eg fram til å ta fatt på forretningsutvikling for nye Kleven.
Med fokus på MS Fridtjof Nansen og nye Kleven
Kjetil Bollestad er 51 år og kjem frå Sandnes, men er no busett i Son sør for Oslo. Han har ein variert yrkesbakgrunn, som starta med flyteknisk utdanning frå forsvaret. Han jobba mange år i SAS teknisk avdeling, dei siste åra som produksjonsleiar for avdeling «Heavy Maintenance» på Gardermoen.
I 2007 – 2010 var han administrerande direktør på skipsverftet i Florø før han arbeidde i Master Marine AS som ferdigstilte ein Jack-up rigg i Arendal. Han vart tilsett som COO med ansvar for drift og vedlikehald av riggen når den starta operasjon på Ekofisk-feltet sommaren 2011. Dei siste åra har han jobba som salsdirektør for Agility Subsea Fabrication og som kommersiell sjef for Institutt for Energiteknikk.
-Den siste tida har vi brukt all tid og alle ressursar på å ferdigstille Roald Amundsen. Sjølv om hovudfokuset no blir å ferdigstille søsterskipet MS Fridtjof Nansen på ein effektiv og god måte, vil læringa frå fyrste skipet bidra til at utfordringane blir langt mindre denne gang. Det gir rom for å kunne rette blikket framover saman med det kompetente teamet på Kleven, seier Bollestad.
Kjetil Bollestad og Olav Nakken har jobba tett saman siste månadane, og det gjorde dei også tidlegare medan Bollestad var verftsdirektør i Florø.
- Eg gler meg til å halde fram samarbeidet både med Olav og dei tilsette på verftet, avsluttar Bollestad.
Kleven har levert over 100 avanserte fartøy for norske og internasjonale kundar sidan 2005. Etter ei utfordrande periode i kjølvatnet av nedgangen i offshore-sektoren, er verftet no eigd av Hurtigruten, og har for tida eitt hurtigruteskip under bygging.
Prevas ønsker velkommen til ny Teamlead & prosjektleder i Norge
Prevas har fått en ny teamlead & prosjektleder på Oslo-kontoret, Sofya Kapustina (37). Sofya har lang erfaring fra IKT-leveranser, prosjekt- og teamledelse med spisskompetanse innen utvikling av IT- og virksomhetsprosesser.
Havlandet Havbruk AS og EG Maintenance utvider samarbeid om vedlikeholdet
Havlandet Havbruk AS ønsker å effektivisere vedlikeholdsarbeidet og har valgt å utvide samarbeidet med EG ved å ta i bruk EG Maintenance. Implementering av EG Maintenance hos Havlandet vil bidra til en effektiv og strømlinjeformet driftsforvaltning for selskapets enheter.
Otto Olsen AS utvider produktporteføljen med oppkjøp av TR Fastenings Norge AS
Otto Olsen AS kunngjør fullført oppkjøp av TR Fastenings Norge AS, en betydelig utvidelse av sin allerede omfattende produktportefølje. Som en anerkjent norskeid virksomhet med solid erfaring og høy teknisk ekspertise, leverer Otto Olsen AS allerede et bredt spekter av produkter til ulike industrier.
Kiwas NDT-virksomhet overføres til IKM Inspection
Fra 4. april 2024 vil Kiwa Norges NDT-virksomhet bli overført i sin helhet til IKM Inspection AS. Avtalen som nå er inngått mellom Kiwa AS og IKM Inspection AS medfører at all aktivitet og medarbeidere knyttet til NDT-tjenester med tilhørende utstyrspark i Norge overdras.
